Азийн наадмын волейболын төрөлд өрсөлдөж буй Монголын эмэгтэй волейболчид өчигдөр хэсгийн гурав дахь тоглолтоо зохион байгуулагч орон БНХАУ-ын багтай хийж, 3-0 (25-9; 25-13; 25-8) харьцаатай ялагджээ. Дэлхийн шилдгүүдийн тоонд зүй ёсоор багтдаг Хятадын волейболчид Японы нийслэл Токио хотноо болсон FIVB-гийн дэлхийн аварга шалгаруулах тэмцээнд оролцоод шууд Азийн наадамд ирж, тоглож байгаа юм. Тэдний адилаар Япон, Өмнөд Солонгос, Тайланд болон Казахстаны багууд ч мөн дэлхийн аваргаас шууд Азийн наадмыг зорин ирээд байгаа.
Монголын волейболчдын тухайд нээлтийн тоглолтдоо Тайландын багт 3-0 харьцаатай хожигдож, дараа нь бямба гаригт Тажикистаны багийг 3-0-ээр буулган авсан юм. Харин өнөөдөр 12.00 цагаас хэсгийн сүүлийн тоглолтоо БНСУ-ын багтай хийнэ.
С.Цэлмэг