Баянгол дүүргийн нутаг дэвсгэрт бага насны охидыг 500 доллараар худалддаг байсан гэх  хэрэгт сэжигтнээр татагдсан  Н.Наранхүүд Улсын мөрдөн байцаах газраас эрүүгийн хэрэг үүсгэн шалгаж нэмэлт мөрдөн байцаалт явуулахаар харьяаллын дагуу Баянгол дүүргийн  Цагдаагийн хэлтсийн эрүүгийн тасаг руу шилжүүлсэн байна. Одоогоор Н.Наранхүүгийн хохирогчоор 13-15 насны хэд хэдэн хүүхэд тогтоогдсон бөгөөд Хүүхэд хамгаалах төвөөс Монголын өмгөөлөгчдийн холбоонд хандан дээрх хохирогчдод өмгөөллийн үйл ажиллагаа явуулж өгөхийг хүсчээ. Одоогоор Н.Наранхүүд холбогдох хэргийг Баянгол дүүргийн Цагдаагийн хэлтэст  үргэлжүүлэн шалгаж байна.