Энэ удаагийн Азийн спортын наадамд тааруухан амжилттай оролцож буй Монголын ширэн бээлийтнүүдээс өнөөдөр Д.Отгондалай 60 кг-ын жинд эхний тулаанаа хийж, ялалт байгууллаа. Эхний тойргийн тоглолтод гоц мөргөсөн манай тамирчин шөвгийн 16-д Иракийн боксчин Сураки Алваайлитай учраа таарсан бөгөөд өрсөлдөгчөө 16:7 (5:4; 3:1; 8:2) харьцаатай илт давуу буулган авсан байна. Түүний дараагийн өрсөлдөгч нь 2006 оны Дохагийн Азийн наадмын хүрэл медальт, БНХАУ-ын боксчин Ху Чин юм. Хоёр боксчны тулаан 21-ний ням гаригт 20.15 цагаас болно.