Нийслэлийн Онцгой байдлын аврах гал унтраах ангиудад өчигдөр гал түймрийн дөрвөн дуудлага иржээ. Тухайлбал, Чингэлтэй  дүүргийн 14 дүгээр хорооны  Хайлаастын 24 дүгээр гудамжинд 3х2, 3х6, 3х4 метрийн хэмжээтэй  гурван амбаар шатаж байсныг, Сүхбаатар  дүүргийн 16 дугаар хорооны Бэлхийн гуравдугаар гудамжинд 5х13 метрийн хэмжээтэй өвлийн байшин,  хоёр метр хашаа шатаж байсныг, Сонгинохайрхан  дүүргийн 22 дугаар хорооны Баянголын наймдугаар гудамжинд 8х12 метрийн хэмжээтэй хоёр давхар тоосгон байшингийн дотор тал шатаж байсныг  харъяа дүүргийн аврах гал унтраах ангиуд унтраасан байна. Мөн  Сүхбаатар  дүүргийн гуравдугаар хороо болох  V хорооллын … байрны хойно машин  шатаж байна гэсэн дуудлагын дагуу очиход  “Мерседес бенз-190” загварын суудлын автомашины дотор талын дулаалга  шатаж байсныг унтраажээ.