Гэхдээ иргэдийн хамгийн их хэрэглэдэг хүнсний бүтээгдэхүүн болох махны үнэ буурсан үзүүлэлттэй байна. Хонины цул махны үнэ өмнөх аравдугаар сарын дундаж үнэтэй харьцуулахад 1.5 хувь, үхрийн махны үнэ 2.0-2.5 хувь, ямааны махны үнэ 3.1 хувиар буурч, хонины ястай махны үнэ 0.3 хувь, адууны махны үнэ 1.4 хувиар өсчээ. Харин өмнөх долоо хоногийн үнэтэй харьцуулахад хонины махны үнэ 0.8-2.3 хувь, үхрийн махны үнэ 0.6-1.3 хувь, адууны махны үнэ 2.4 хувиар өсч, ямааны махны 0.5 хувиар буурчээ.
Энэ сарын 17-ны байдлаар 1 кг хонины /ястай/ махны үнэ дунджаар 3155 төгрөг, үхрийн мах/ястай/ – 3511 төгрөг, ямааны мах – 2467 төгрөг, адууны мах – 2580 төгрөг, хонины цул мах – 3357 төгрөг, үхрийн цул мах – 4100 төгрөгийн үнэтэй худалдаалагдаж байв.
Монголчуудын хамгийн их хэрэглэдэг гол хүнсний бүтээгдэхүүний нэг нь гурил байдаг. Энэ сарын гурилын үнийг өмнөх сарын дундаж үнэтэй харьцуулахад “Алтан тариа” ХК-ий задгай дээд гурилын үнэ, 2-р зэргийн гурилын үнэ болон савласан дээдийн дээд гурилын үнэ тус бүр 0.4 хувиар буурсан байна. Харин “Алтан тариа” ХК-ий задгай 1-р зэргийн гурилын үнэ болон савласан дээд, 1 ба 2-р зэргийн гурилын үнэ тус бүр 0.3 хувиар өссөн байна. Импортын орос дээд гурилын үнэ 1.4 хувь өсчээ. Харин орос 1-р зэргийн гурилын үнэ, хятад дээд гурилын үнэ тогтвортой байна.
Өмнөх долоон хоногийн үнэтэй харьцуулахад гурилын үнэд өөрчлөлт ороогүй тогтвортой байгаа ажээ.