Мэргэжлийн сумо бөхийн кюүшю башёгийн зургаа дахь өдрийн барилдаанд их аварга Хакухо М.Даваажаргал зүүн жигүүрийн маэгаширагийн гуравт эрэмбэлэгдсэн Хомашотой барилдахаар оноолт таарчээ. Харин сэкиваки Какурюү М.Ананд өнөөдөр озэки Кайотой барилдах бол Асасэкирюү Б.Дашням /М2/ озэки Барутотой тус тус барилдах юм.

Манай бусад бөхчүүдийн тухайд Хакуба А.Өнөржаргал /М4/ Котокасугатай, Токүсэгава Б.Ганболд /М5/ Ёшиказэтай, Тамаваши Б.Мөнх-Оргил /М8/ Гагамарутай, Коорюү Э.Мөнх-Оргил /М15/ Сококурайтай барилдахаар оноолт таарчээ. Түүнчлэн башёгийн зургаа дахь өдрийн барилдаанд Кёкүтэнхо Н.Цэвэгням /М9/, Моконами Г.Базарсад нарын манай хоёр бөх, мөн Шотэнро Д.Нямсүрэн /М16/, Токитэнкү А.Хүчитбаатар /М11/ нар хоорондоо учраа тааран барилдах юм.