Азийн наадмын жүдо бөхийн эмэгтэйчүүдийн +78 кг-ын жинд зодоглож, хүрэл медалийн төлөөх барилдаанд БНСУ-ын шилдэг бөх Ким На Ёнд ялагдсан Монгол Улсын гавьяат тамирчин Д.Цэрэнханд өнөөдөр үнэмлэхүй жинд мөн өрсөлдөж байгаа билээ. Хэсгийн аваргын төлөө барилдах эрхтэй болоод байсан манай тамирчин дөнгөж саяхан БНХАУ-ын жүдоч Лью Хуанюаньд цэвэр ялагдсан байна. Ялсан тохиолдолд мөнгөн медалийн болзол хангах байсан ч Д.Цэрэнханд маань ялагдсанаар Азийн наадмын хүрэл медалийн төлөө Киргизстаны бөх Динара Кахароватай барилдахаар боллоо.