“Sweetyеmotion” хамтлагийнхан энэ сарын 19, 20-нд “Аса” циркт амьд хөгжмийн “Number one” тоглолтоо хийх гэж байгаа билээ. Тоглолтод оролцох хөгжимчид өнгөрсөн баасан гаригт АНУ-аас ирсэн бол бүжигчид нь өнөөдөр “Чингис хаан” олон улсын нисэх буудалд газардлаа. “Sweetyеmotion”-ны “Number one” хэмээх тоглолтын продюсерээр ажиллах Jonn Stil ч тэдэнтэй хамт иржээ. Харин Монголын талаас Б.Чинбат уг тоглолтын продюсерээр, “Hero entertainment” ерөнхий зохион байгуулагчаар ажиллана. Тус хамтлагийнхан маргааш “Монгол ньюс” дээр тоглолтынхоо талаар дэлгэрэнгүй мэдээлэл өгөхөөр хэвлэлийн хурал зарлажээ.