Үерийн улмаас амь үрэгдэгсдийн тоо 206 хүн болсон гэж Тайландын Дотоод хэргийн яамнаас мэдээлсэн байна. Өнгөрч буй долоо хоногт Тайландын өмнөд хэсгээр үерт нэрвэгдэгсдийн тоо өссөн байна. Зүүн хойд хэсэгт шинээр хохирогчид бүртгэгдээгүй ч Каласин мужийн Чи гол дахин савнаасаа хальж эхэлжээ. Гэхдээ нэг метрээс дээш усны төвшин нэмэгдсэнгүй ер нь усанд автсан газрын хэмжээ буурчээ. Харин үерийн улмаас цагаан буудайн талбайн ургац ихээр хорогдож магадгүй болоод байна.

Тайландад усаар бүрхэгдсэн хагалсан газарт цагаан будааг суулгадаг бөгөөд эхний долоо хоногт цагаан будаа усан дор ургана. Харин цагаан будаа боловсрох үеэр талбай усанд автвал ургац нь илжирэх аюултай. Энэ жилийн үерийн улмаас цагаан будааны ургацын 20 хувийг алдаж байна гэж тус орны Хөдөө аж ахуйн яамнаас мэдээлсэн байв. Тиймээс нэн яаралтайгаар зүүн хойд хэсгийн ургацыг хурааж байгаа ажээ. Энд сайн дурынхан ба армийг дайчлаад байна.

Далайн төвшнөөс дор орших хотын хэсэгт ус сувгийн цэвэрлэгээг хийж хотыг усанд автахаас хамгаалах ажил идэвхтэй явагдаж байгаа гэнэ. Энэ жилийн хувьд Бангкокийн байдал хүнд байсан ч шинэ том сувгаар нэг секундын дотор дөрвөн стандартын усан сангийн хэмжээний усыг далайд урсгаж байна.