Америкийн поп артын томоохон төлөөлөгчдийн нэг Рой Лихтенштейны "Ohhh… Alright…" нэртэй уран зураг 42,6 сая ам.доллараар зарагдаж дээд амжилт тогтоолоо. Өнгөрсөн лхагва гаригт болсон уг дуудлага худалдаа Нью-Йорк хотноо болсон ба “Christie"s” дуудлага худалдааны ордон зохион байгуулжээ.

Утсаар ярьж буй залуухан бүсгүйг дүрсэлсэн уг зураг 25-30 саяын үнэ хэмээн мэргэжилтнүүд таамаглаж байжээ.

1989 онд мөн тус дуудлага худалдааны ордон Рой Лихтенштейны “Torpedo…Los!” нэртэй зургийг дуудлагаар худалдаж, 5,5 сая ам.долларын үнэ хүрчээ. Харин 2005 онд “In the Car” зураг нь 16,2 сая ам.доллараар зарагдаж, дээд амжилт тогтоогоод байсан юм.

Ийнхүү өөрийн эзэмшиж байсан дээд амжилтаа дахин эвдэж, 42,6 сая болгон өсгөлөө.