Forbes  сэтгүүлээс жил бүр уламжлал болгон шаргаруулдаг Холливуудын хамгийн их орлого олсон эмэгтэйчүүдийн жагсаалт нийтлэгджээ. Медиа могул энэ жил Beyonce Knowles, Lady Gaga болон Madonna нарыг ардаа орхин 324 сая ам.долларын орлоготойгоор тасархай түрүүлсэн байна. Тэрбээр өөрийн шоу нэвтрүүлэг, мөн сэтгүүл зэргээсээ ийнхүү орлого олсон байна. Харин хоёрдугаар байрт нэрт дуучин Beyonce Knowles бичигджээ. Тэрбээр цомог болон аялан тоглолтын орлогоос гадна өөрийн нэрийн брэндийн хувцасны худалдаанаас ихээхэн орлого олсон байна.

Гуравдугаар байрт хоёр хүүхдийн ээж болоод хэсэг хугацаанд хөгжмийн карьертаа завсарлага аваад байсан дуучин Britney Spears 65 сая ам.долларын орлогтойгоо жагсчээ. Тэрбээр мөн л өөрийн нэрийн хувцасны брэнд гаргаж, сүрчгээ худалдаанд гаргаснаар чамгүй ашиг болсон байна.

Энэ жил Холливуудад тэсрэлт хийж буй дуучин Lady Gaga дуучин бүсгүйгээс нэг сая доллар дутуу олсноор дөрөвдүгээр байрт оржээ. Тэрбээр дан хөгжмийн салбараас аялан тоглолт болон цомгийн борлуулалтаараа 64 саяыг олсон аж.

Харин хөгширсөн ч гэсэн гандан буурахгүй дуучин Madonna охинтойгоо хамтран хувцасны брэндтэй болсон мөн ирэх жилээс дэлхий нийтийг хамарсан сүлжээ фитнесс клуб нээхээр ажиллаж эхлээд байгаа. Фитнесс клубууд нь амжилттай ажиллавал дараа жилийн орлого нь энэ жилийнхээс хавьгүй их гарна хэмээн мэргэжилтнүүд таамаглаж байна. Энэ жилийн орлого нь 59,9 сая ам.доллар.
Ингээд эхний 10 байрт бичигдсэн хүчирхэг эмэгтэйчүүдийг танилцуулья.

1. Oprah Winfrey: $324 сая
2. Beyonce Knowles: $89 сая
3. Britney Spears: $65 сая
4. Lady Gaga: $64 сая
5. Madonna: $59.9 сая
6. Sandra Bullock: $59.2 сая
7. Ellen DeGeneres: $56 сая
8. Miley Cyrus: $48 сая
9. Taylor Swift: $46 сая
10. Judge Judy: $46 сая