Израил улсын Засгийн газар эдийн засгийн хоригийг зөөлрүүлсэн ч Газын зурвас дахь иргэдийн амьдрал сайжрахгүй байгаа гэж НҮБ мэдэгдлээ. Энэ оны зургадугаар сард Израил улс тус бүс нутаг дахь хоригийг багасгаж, хүнс болон өргөн хэрэглээний барааг харьцангуй чөлөөтэй нэвтрүүлэх арга хэмжээ авсан юм. Гэхдээ ингэлээ гээд иргэдийн амьдралд ямар нэг өөрчлөлт гараагүй гэж НҮБ-ын төлөөлөгчид хэлж байна.

“Иргэдэд ямар ч материаллаг өөрчлөлт гарсангүй. Тэд одоо хэр тусламжийн бараанаас хамааралтай, ямар ч сэргэлт, бүтээн байгуулалт, эдийн засаг, зах зээлгүй хэвээр байна” гэж тус байгууллагын ажилтан Жон Гинг хэлэв.

Газын зурваст Израилийн бүтээгдэхүүн орохыг хориглосон байгаа ба бүх төрлийн экспортод хориг тавьсан хэвээр байгаа юм. Түүнчлэн иргэдийг ч хил нэвтрэхийг зөвшөөрөхгүй байгаа.