Европын коммисс 1999-2006 онд агаараар ачаа илгээх тарифыг үгсэн хуйвалдаж нэмсэн гэж 11 авиа компанийг ойролцоогоор 800 сая еврогоор торгох болжээ. Хэрэв тус байгууллагын шударга өрсөлдөөнийг зохицуулах газраас энэ талаар арга хэмжээ аваагүй бол компаниуд энэ үйлдлээ үргэлжлүүлсээр байх байсан гэж мэдэгдэж байна.

Тэдний хууль бус үйл ажиллагаа хэрэглэгчдийг маш ихээр хохироосон гэжээ. “British Airways” компанид 104 сая еврогийн торгууль оногдуулсан бол “Air France”-д 340 сая, “Cargolux Airlines” 79,9 сая еврогоор торгуулих болж байгаа юм. Мөрдөн байцаалтын үр дүнд компаниуд хоорондоо холбоотой байж, илгээмж илгээх үнийг тохируулсан байсан нь тогтоогдсон байна.