Өнгөрсөн жилийн “Mongolian Music Video Awards”-д дуучин BX-тэй хамтран дуулсан “Love song” дууны клип нь шалгарч байсан дуучин Эгшиглэн хэсэг хугацаанд уран бүтээлээсээ хол байв. Харин саяхнаас тэрбээр уран бүтээлдээ эргэн орж шинэхэн хамтрагчаараа “The Lemon’s”-ын Одноог сонгон дебют дуугаа гаргасан юм. Тэдний хамтарсан бүтээл болох “Яг одоо яамаар байна” дуу нь тун амжилттайгаар фм, телевизийн чарт-д, хитийг тэргүүлсээр байгаа. Мөн тэд саяхан болж өнгөрсөн “Mongolian Music Video Awards” наадмаас  “Шилдэг дебют” номинацийн эзэд болсон билээ.