НБА-н Сэрби тоглогч Нэнад Крестич багийнхныхаа хамтаар энэ 7 хоногт Сэрбид болсон газар хөдлөлтөнд хохирол амссан хэд хэдэн газруудад тусламжийн гараа сунгах болжээ. Крстичийн төрөлх хот Кральево нь 5.3 баллын газрын хөдлөлтийн төв нь байсан. Байгалийн гамшгийн улмаас 2 хүн амь эрсдэж, олон хүн гэмтэн мөн олон мянган байшин барилга сүйдсэн байна. Крстич өөрийн төрж өссөн газраа их хэмжээний хохирол амссанд харамсаж байгаагаа илэрхийлсэн байна. Тэрбээр “Миний төрсөн хот. Эцэг эх, эмээ өвөө, найз нөхөд маань тэндээ амьдарсаар л байгаа. Зун амралт эхлэхээр би нутагтаа очдог. Хэдийгээр Бельградад их хугацааг өнгөрөөдөг ч тэр чинь миний төрсөн газар” гэжээ.
Оклахома Сити Тандэрийн гарааны төв маань гамшигт нэрвэгдсэн олонд туслахыг чин сэтгэлээсээ туслахыг хүсэн бусад тоглогчиддоо уриалга гаргаад байгаа аж. Түүний үзэж байгаагаар илгээж байгаа мөнгөний хэмжээ нь чухал биш, хамгийн гол нь тэр өөрөө бусдад үлгэр дуурайлал болохыг хүсэж байгаа гэнэ. Өнөөдөр Бостонтой хийсэн тоглолтонд өмссөн өмсгөл дээрээ гарын үсэг зураад зарах төлөвлөгөөтэй байгаа аж. Түүний бодлоор түүний өмсгөл 10000 орчим доллар болно гэнэ.
“Би өөрийн хийх гэж буй ажилдаа үнэхээр өөдрөг хандаж байгаа. Яагаад гэвэл маш олон сайн санаатай хүмүүс манай улсад байдаг. Тэд миний адил сайхан сэтгэл гаргана гэдэгт итгэж байна” гэж Нэнад Крстич сэтгүүлчдэд ярьжээ.