Богино, халбага шиг хэлбэртэй хамартай, өндөр, бөмбөлгөн толгойтой далайн гахайны төрлийн ясны үлдэгдэл Хойд тэнгисээс олдсон байна. Анх 2008 онд энэ амьтны гавлын ясыг олсон загасчин Алберт Хоекманы нэрээр “платалирострум хоекмани” хэмээн нэрлэжээ. Эрдэмтдийн тооцоолсноор бөмбөлгөн толгойт дельфин зургаан метр урт бөгөөд одоогоос гурван сая жилийн өмнө амьдарч байжээ.