Эрдэмтэд төрөлхийн хараагүй, 46 настай Миикка Терхо хэмээх иргэний нүдний торлог бүрхэвчний ард тусгай ялтас суулгасны дараа тэрбээр нүдээ ашиглан биетүүдийг “харж” чаджээ. Германы Тубингены их сургуулийн профессор Эберхарт Зреннерын удирдсан эрдэм шинжилгээний баг 11 хүний нүдэнд энэ ялтасыг суулгаж туршилт хийсэн байна. Туршилтад хамрагдсан иргэдийн заримд нь ямар нэг нөлөө илрээгүй юм.

Энэ ялтас нь гэрлийн цацрагийг цахилгаан хэлбэлзэл болгон өөрчилж, нүдний оптик мэдрэлийн судалд цочрол өгдөг байна. Төхөөрөмжийг гаднаас нь цэнэглэдэг ба чихний ар талаас цэнэглэх төхөөрөмжтэй холбодог аж.