“Иргэдийн шударга шүүх” ТББ-аас Д.Энхбат, Б.Хурц нартай холбогдох хэргээр Монгол Улсын Засгийн газар ард түмнээсээ уучлалт хүсэх ёстой хэмээн хэвлэлийн бага хурал хийлээ. Уг шаардлагад “Монгол Улсын ГХЯ Герман, Франц, Бельги зэрэг улсуудаас уучлал эрж нот бичиг илгээн өөрсдийнхөө гэм бурууг хүлээн зөвшөөрсөн. Харин МУ-ын Засгийн газар  ард түмнээсээ, хэрэг маргаанд нэр холбогдсон эрх нь зөрчигдөж буй иргэдээсээ уучлалт гуйгаагүй байна” хэмээн онцолж байв.

Мөн  ОУ-ын гэрээ конвенцуудыг зөрчин дуураараа аашилж байна гэж үзэж ард түмнээсээ уучлалт гуйх ёстой гэв. Энэ талаар тодруулахад ИШШ ТББ-ын тэргүүн Ц.Батялалт “ Үнэхээр МУ-ын ЗГ уучлалт гуйх алдаа гаргасан бол хариуцлагаа хүлээх ёстой. Талийгаач  Д.Энхбат, баригдаад байгаа Б.Хурц нар ЗГ-ын буруутай шийдвэрийн улмаас  эрх нь зөрчигдөөд байгаа бөгөөд эдгээр хүмүүсийн ар гэр мөн монголын ард түмнээс ЗГ уучлалт гуйх ёстой хэмээн үзэж байгаа. Биднээс уучлалт гуйгаагүй байж гадны орноос уучлалт хүссэн. Энэ утгаараа гадаад харилцаагаа эхэнд тавьж ард түмнээ ард нь тавьдаг энэ замаар Монгол улс урагшлахгүй” хэмээв. Дашрамд дурьдахад уг асуудлаар удахгүй дахин мэдээлэл хийх аж.