Булган аймгийн статистикийн хэлтэс хүн ам орон сууцны тооллогод 16,1 мянга гаруй өрхийн 57,8 мянга гаруй өрхийг хамруулахаар бэлтгэлийг шургуу хангаж  байна. Сумдын тооллогын түр товчоо, комиссын гишүүд энэ бэлтгэлийн нэг чухал хэсэг болох айл өрхийг газрын зурагт тэмдэглэх ажлыг шуурхай хийж аймгийн тооллогын комисст танилцуулж дуусчээ. Баян-Агт сумын тооллогын түр товчооны дарга С.Ганбат  энэхүү зургаа хүлээлгэн өгөөд буцах гэж байхад нь уулзав. Тэрээр:

-Манайх 6 багтай. Баг бүрийн айл өрхүүдийг газрын зурагт тэмдэглэчихсэн. Шарга багийн газрын зураг энэ байна. Нийт 120 айл өрхийг нь зураг дээр тэмдэглэсэн байгаа. Шарга баг бол хамгийн олон айл өрхтэй. Тэдгээр айлуудын нэрийг зургийн хажууд бичиж өрхийн хүн амын тоог нь мөн тавилаа.  Мөн эдгээр зурагнаас ажиглахад Баянхайрхан баг газар нутаг томтой, өөрөөр хэлбэл, айл өрхийн тархалт ихтэй нь харагдаж байна хэмээн ярилаа.

Энэ бол урьдчилсан бүртгэлийн явцад гаргасан зураг юм байна. Тооллого эхлэх болтол хөдөөгийн малчдын нэлээд нь өвөлжөөндөө бууна. Ингэснээр яг тооллогын үед зарим айлын байршил өөрчлөгдөнө гэсэн үг. Тийм учраас  уг өөрчлөлтийг тусгасан зургийг шинээр гаргаж 11 дүгээр сарын 11-нд тооллогод ажиллах хүмүүс өгсөн байх ажээ.