Соёлын тэргүүний ажилтан болоод удаагүй байгаа жүжигчин Ч.Ундрал энэ сараас эхлэн Улсын драмын эрдмийн театрын маркетингийн албаны даргаар ажиллаж эхлээд байгаа билээ. Тэрбээр ажилдаа тун сэтгэл хангалуун бөгөөд Драмын театрынхан ч сайхан хүлээж авсан гэнэ. Ажлаа аваад удаагүй байгаа Ч.Ундрал завгүй ажиллаж байгаа сурагтай. Өнөөдөр Улсын драмын эрдмийн театрт ОХУ-ын нэрт зохиолч В.С.Красногоровын “Хунгийн дуу”, “Хайрын домог”, “Солиотой жүжиг”-ийг дахин тайзнаа тоглох гэж байгаа талаараа мэдээлэл хийсэн. Хэвлэлийн хурлын үеэр маркетингийн албаны шинэхэн дарга Ч.Ундрал хэвлэлийнхэнд хандан “Би ажлаа аваад удаагүй ч олон ажил хийхээр төлөвлөж байгаа. Түүний эхлэл нь сар бүрийн сүүлээр байнга театртаа хэвлэлийн хурал хийж, театрынхаа үйл ажиллагааны талаар мэдээлж байх болно. Мөн ажлын тайлангаа тавьж байна” гэв. Ямартай ч жүжигчин бүсгүйг ирснээс хойш театрийнхан хөл хөдөлгөөнд ороод байгаа гэнэ лээ.

М.Анир