Хөгжмийн ертөнцийн хамгийн нэр хүндтэй наадам болох 53 дахь удаагийн Грэммийн наадам энэ сарын 13-нд шилдгүүдээ тодруулах билээ.

Энэхүү арга хэмжээнд Оскарын хошой шагналт, найман удаагийн Грэммийн шагналт, нэрт дуучин Barbra Streisand оролцож, ая дуугаа өргөх тухай зохион байгуудагчид мэдээлжээ.

Barbra Streisand тэр болгон арга хэмжээнд оролцоод байдаггүй ба Грэммийн наадмын ёслолын арга хэмжээг үзэхээр ирсэн азтай үзэгчдэд цээл хоолойнхоо ид хавыг гайхуулж, сонорыг нь мялаах юм.

Дашрамд сонирхуулахад, түүний 2006-2007 онд хийсэн аялан тоглолт нь хагмийн их ашиг олсон аялан тоглолтын дээд амжилтыг тогтоож байсан түүхтэй.