Монголын Волейболын холбооны 16 дахь удаагийн үндэсний лигийн аварга шалгаруулах тэмцээн Спортын төв ордны А зааланд үргэлжилсээр байна. Лигийн тэмцээний эхний тойргийн тоглолтууд үргэлжилж байгаа ба өчигдөр эрэгтэй, эмэгтэй төрөлд тус бүр хоёр тоглолт болж өнгөрсөн байна. Өнөөдөр мөн дөрвөн тоглолт болох ба маргааш өнжөөд баасан гаригаас эхлэн ирэх сарын 3-ныг дуустал өдөр бүр тоглолтууд явагдах юм. Үндэсний лигийн тоглолтууд өдөр бүр 14.00 цагаас эхэлнэ.

Дашрамд сануулахад, волейболын үндэсний лигийн тэмцээн ирэх сарын 3-ныг хүртэл үргэлжлээд түр завсарлаад нэгдүгээр сараас дахин эхлэх ажээ. Энэ хугацаанд Монголын волейболчид ирэх сард болох Азийн XVI наадам болон арванхоёрдугаар сард Чежүд болох Зүүн Азийн волейболын аварга шалгаруулах тэмцээнд оролцох ажээ.

Өчигдөр болсон тоглолтын дүн:

Эрэгтэй:

“Ноён” 0:3 “Уурхайчин”
“Буянт-Ухаа” 3:1 “Эрчим”

Эмэгтэй:

“Энагура” 3:1 “Эрчим”
“Тэнүүн Огоо” 0:3 “Уурхайчин”
Өнөөдөр болох тоглолтын хуваарь:

Эрэгтэй:

“Буянт-Ухаа” – “Ноён
“Уурхайчин” – “Харх”

Эмэгтэй:

“Эрчим” – “Тэнүүн Огоо”
“Уурхайчин” – “Энагура”

С.Цэлмэг