Жил бүрийн цагаан сар, хаврын тэргүүн сарын шинийн нэгний босгон дээр  Төв аймгийнхан хүндэт иргэн, хөдөлмөрч манлай ахмад, хөдөлмөрийн аваргуудаа тодруулж шагнаж урамшуулан хүндэтгэл үзүүлдэг уламжлалтай.   Энэ уламжлалынхаа дагуу 2010 оныхоо хөдөлмөрийн аварга, сайчуудаа  тодрууллаа.
2010 он нь Төв аймгийн хувьд амжилт бүтээл арвинтай он жил болж өнгөрсөн. Төв аймаг  газар тариалангийн салбартаа сүүлийн 20 гаруй  жилийн хугацаанд авч байгаагүй арвин их ургац хураан авч, га-аас авсан ургацаараа улсдаа тэргүүлсэн.. Аймгийн хөдөлмөрийн аваргаар тодорсон эдгээр хүмүүс нь  сүүлийн гурван жилийн ажлын үр дүнгээрээ аймгийн хөдөлмөрийн аварга шалгаруулах болзол хангаж, эрхэлсэн ажилдаа мэргэжлийн өндөр ур чадвар гаргаж ажиллаж байсан юм. Энэ жил манай аймгаас улсын сайн малчнаар хоёр хүн, тэргүүний тариаланч хамт олон гурав, тэргүүний тариаланч гурав, улсын тэргүүний фермер нэг хүн төрөн гарсан. Энэ жил аймгийн хөдөлмөрийн аваргаар 29 хүн, аймгийн аварга хамт олноор хоёр, аймгийн аварга фермерээр хоёр, аймгийн тэргүүний тариаланч хамт олноор гурав, тэргүүний тариаланчаар долоон хүн, аймгийн сайн малчин цол тэмдгээр долоон хүн тодорч аймгийнхаа удирдлагуудаасаа шагналаа гардан авлаа.

Мөн ажил үйлсээрээ тэргүүлсэн зарим хүмүүсийг аймгийн Засаг даргын хүндэт тэмдэг, Засаг даргын хүндэт жуух бичгээр шагнасан юм. Энэ өдөр үнэхээр л шагналын хур буусан өдөр байлаа. Ажил үйлсээрээ  тэргүүлсэн хүмүүсийг салбар бүрийнхээ шагналыг гардан авч байлаа. Төр нийгмийн зүтгэлтэн Ж.Самбуугийн  нэрэмжит шагналаар залуу малчдыг шагнадаг. 2009 онд Самбуугийн нэрэмжит шагналаар таван малчин залуу шалгарч шагнагдлаа. Аймгийн Засаг дарга аймгийнхаа хөдөлмөрийн аварга, сайн малчиддаа баяр хүргэж хэлсэн үгэндээ: Өнгөрсөн он бол манай аймгийн хувьд амжилт бүтээл дүүрэн он жилүүд болж өнгөрлөө. Энэ бүхэн нь аймгийн хөдөлмөрч хамт олон та нарын хүч хөдөлмөр юм шүү. Аймаг орон нутгийнхаа нэрийг өндөрт өргөж аварга хэмээх сайхан цол хүртсэн та нарын хүч хөдөлмөр юм шүү. Аймаг орон нутгийнхаа нэрийг өндөрт өргөж аварга хэмээх сайхан цол хүртсэн та нартаа баяр хүргээд ирэх жилд улсын аваргууд болоорой гэж ерөөлөө.