Өмнөд америкийн орнуудын цагаачлалын асуудлаар болсон X бага хуралдаан дээр Боливийн Гадаад харилцааны сайд Давид Чокехуанха “Хөгжлийн ийм шударга бус нийгэм оршин тогтнож байгаа цагт цагаачлалын асуудал хэвээр үргэлжлэх болно. Иймд ард иргэдийн хувьд шударга, тэгш эрхийн үндсэн дээр баялгийг хуваан олгох хөгжлийн загварыг сонгон авах ёстой” гэж өмнөд Америкийн гадаад харилцааны бусад орнуудын сайд нарыг уриалжээ.

X бага хуралдаанд 12 орны төлөөлөгчид оролцсон бөгөөд Олон улсын цагаачлалын байгууллагын захирал Лаура Томпсон, дэд захирал Эрнан Олгин зэрэг төлөөлөгчид оролцож, энэ оны арваннэгдүгээр сарын 8-11-нд Мексик улсад цагаачлалын асуудлаар болох Дэлхийн форумыг хэрхэн бэлтгэн явуулах асуудлыг хэлэлцэж буй ажээ.

Боливи улсын ерөнхийлөгч Эво Моралес Иран улсад айлчлал хийж байгаа тул хуралдаанд оролцоогүй бөгөөд Моралес АНУ-ын ерөнхийлөгч Барак Обамад хандан гадаадын цагаач иргэдийг гэмт хэрэгтнүүд мэтээр үздэг хууль тогтоомжийн заалтыг зөөлрүүлэхийг уриалж байсан удаатай аж.

Боливийн тоо бүртгэлийн албанаас гаргасан мэдээллээр Аргентин, Испани, АНУ, Бразил зэрэг оронд боливийн 2,3 сая цагаач иргэд ажиллаж, амьдарч байгаа юм байна.