Хоёр жилийн өмнө эх орноосоо холын Катар улсыг зорьсон 25 шонхорыг өчигдөр тал нутагт нь эргүүлэн тавилаа. Катар манай хоёр улсын шонхор экспортлох гэрээний дагуу энэ сарын 13-ны өдөр дээрх шонхоруудыг тус улсаас онгоцоор тээвэрлэн авчирсан юм. Эрүүл мэндийн үзлэг, холбогдох хяналт шалгалт явуулсаны дагуу шонхоруудыг тавихаар болсон нь энэ аж. Өчигдөр үдээс хойш Төв аймгийн Баян сумын нутагт шонхоруудыг   тавьсан байна.