Монголын урчуудын эвлэлийн хорооны үзэсгэлэнгийн танхимд өнөөдөр 16.00 цагт залуу уран бүтээлч Ц.Баттулга, Д.Ганболд, Л.Амарсанаа, М.Уламбаяр нарын хамтарсан “Өнөөдөр” үзэсгэлэн нээлтээ хийлээ. Үзэсгэлэнд уран зураг, зураасан зураг, сийлбэр, орчин үеийн хөдөлгөөнт урлаг буюу perfermans, инстолляци гээд орчин үеийн дүрслэх урлагийн шинэлэг хэлбэр чиглэлээр бүтсэн сонирхолтой бүтээлүүд дэлгэгдсэн юм. Тус үзэсгэлэн энэ сарын 28-ныг хүртэл үргэлжлэх тул залуу уран бүтээлчдийн “Өнөөдөр”-ийн ертөнцөөр аялаарай.