БСШУЯ, Засгийн газрын хэрэгжүүлэгч агентлаг Соёл, Урлагийн хороо, Мон­голын уртын дууны нийгэмлэг, Завхан аймгийн Засаг даргын тамгын газар, Боловсрол соёлын га­зартай хамтран Улиастай хотод “Баруун бүсийн уртын дууны наадам”-ыг зохион байгууллаа.

Биет бус соёлын Дэлхийн өв Монгол үндэсний уртын дууг сурталчлан алдар­шуулах зорилготой тус наадамд Говь-Алтай, Завхан, Ховд аймгийн 12 авьяастан өрсөлдсөн юм. Наадмыг гурван насны ангиллаар хоёр үе шаттайгаар зохион бай­гууллаа. 13-16 насны ангилалд тэргүүн байрыг А.Төртогтох /Говь-Алтай/, дэд байрыг М.Номин-эрдэнэ /Ховд/, 17-40 насны ан­гилалд тэргүүн байрыг Ж.Ёндонренчин /Улиастай/, дэд байрыг Д.Лхагвасүрэн /Улиастай/, 40-с дээш насны ангилалд тэргүүн байрыг Баттогтох /Ховд/, дэд байрыг О.Бат-өлзий /Улиастай/ нар тус тус эзэлсэн бол багийн дүнгээр Завхан аймаг шалгарч шилжин явах цомыг хүртлээ. Мөн энэ үеэр Баруун бүс нутгийн уртын дууны уламжлал, хөгжил, нэртэй хэлэлцүүлэг боллоо.