“Ядуусын хорооллын саятан” киногоор Холливуудад танигдаж, шоу бизнесийн ертөнцөд хөл тавьсан Энэтхэгийн жүжигчин Freida Pinto өчигдөр 26 насны төрсөн өдрөө тэмдэглэжээ. Тэрбээр хамгийн сүүлд тоглосон “Miral” киноныхоо нээлтйин ажиллагаанд оролцон, дараа нь төрсөн өдрийн party-гаа хийсэн байна. Дур булаам бүсгүйчүүдийн жагсаалтанд нэр бичигдэх болсон Freida алдарт загвар зохион бүтээгч Alexander McQueen-ы гоёмсог даашинзаар гангаран ирсэн нь үнэхээр дэгжин харагдаж байжээ.

Түүнийг “Ядуусын хорооллын саятан” кинонд хамтран тоглосон жүжигчин Dev Patel-тай хамтран амьдардаг, удахгүй гэрлэнэ хэмээн яригддаг. Харин хосууд одоохондоо гэрлэх тухай ярих эрт байна, ажилдаа илүү анхаарах хэрэгтэй хэмээдэг билээ.

Н.Наран