Сонирхогчдын сумогийн дэлхийн аварга шалгаруулах тэмцээнийг энэ сарын 16-17-ны өдрүүдэд Варшав хотноо зохион байгуулжээ.
Тэмцээнд Монголын сумо бөхийн холбооны 18 тамирчид оролцсон бөгөөд өсвөр болон насанд хүрэгчдийн тэмцээнд манай эмэгтэй, эрэгтэй тамирчид ганцаарчилсан болон багийн төрлөөр нийт 10 медаль /1 алт, 4 мөнгө, 5 хүрэл/ авснаас Я.Дулмаа манай эмэгтэй сумочдоос анх удаа Дэлхийн аварга цол хүртсэн талаар Гадаад харилцааны яамны хэвлэлийн албанаас мэдээллээ.