Монгол Улсын гавьяат жүжигчин, дуучин Б.Сарантуяа, Монголын рок хөгжмийн “загалмайлсан эцэг” гэгдэх “Харанга” хамтлагийнхан Солонгосыг зорьж, нутаг нэгтнүүддээ үнэ төлбөргүй тоглосон билээ. Тэгвэл энэ удаа “Чингис хаан” хамтлагийн ахлагч, гавьяат жүжигчин, дуучин Д.Жаргалсайхан тус улс дахь монголчууддаа зориулж, тун удахгүй тоглолт хийх нь ээ.

Тэрбээр энэ сарын 22,23-нд 20.00 цагт Сөүл хотын Менмуг ёогийн “Залуус” диско клубд тоглох ажээ.  Тус тоглолтын тасалбарын үнэ 20.000 вон байх гэнэ. Элэг нэгтнүүд нь түүний тоглолтыг тэсэн ядан хүлээж байгаа сурагтай. Дашрамд сонирхуулахад дуучин маань тоглолт хийхийн зэрэгцээ тэнд ажиллаж амьдарч байгаа монголчуудтай уулзалт, ярилцлага хийх аж.