“Алтан намар-2010” хөгжмийн 28 дахь удаагийн наадмын арга хэмжээнүүд үргэлжилж байна. Энэ наадмын хүрээнд монгол туургатан хөгжмийн зохиолчдын “Тэнгэрийн дуудлага” симфони шинэ хөгжмийн наадам болно. Тус наадмын ерөнхий зохион байгуулагчаар “Монголын хөгжмийн зохиолчдын холбоо” ажиллаж байгаа юм. Наадмын хүрээнд доорхи хөтөлбөрүүдээр тоглолтууд болох аж.

Аравдугаар сарын 18-нд Улсын филармонийн концертын танхимд 19.00 цагт Д.Түвшинсайханы “Учиртай 4 толгой” симфони сюит тоглолт болно.

Аравдугаар сарын 19-нд Улсын филармонийн концертын танхимд 10.00 цагт Симфони том хэлбэрийн бүтээлийг тоглоно.

Аравдугаар сарын 25-нд Дуурь Бүжгийн Эрдмийн театрт 19.00 цагт Монгол Улсын Ерөнхийлөгчийн ивээл дор зохион байгуулагдах Дэлхийн монгол туургатан хөгжмийн зохиолчдын “Тэнгэрийн дуудлага” симфони шинэ хөгжмийн наадмын нээлт болно. 

Аравдугаар сарын 26-ны “Тэнгэрийн дуудлага” наадам 10.00 цагаас эхлээд  түр завсарлан 14.00 цагаас үргэлжилнэ.

Аравдугаар сарын 27-нд Засгийн Газрын 11-р байрны хуралдааны танхимд 10.00 цагт Эрдэм шинжилгээний бага хурал болно. 

Аравдугаар сарын 27-ны Улсын филармонийн концертын танхимд 19.00 цагт Монгол туургатан хөгжмийн зохиолчдын “Тэнгэрийн дуудлага” симфони шинэ хөгжмийн наадмын хаалт болно. 

Аравдугаар сарын ЗО-нд Соёлын төв өргөөнд 10.00 цагт ”Алтан намар 2010” наадмын хаалтын ажиллагаа болж Гала концертоо тус тус  тоглох ажээ.