Жил бүрийн аравдугаар сарын 14-нд “Дэлхийн стандартын өдөр”-ийг олон улсын хэмжээнд тэмдэглэн өнгөрүүлдэг. Мөн Стандарт, хэмжил зүйн ажилтны өдөр ч давхацдаг байна.  Энэ удаагийн тэмдэглэлт өдрөөр Олон улсын Стандартчиллын байгууллагаас “Стандартыг хүн бүрт хүртээмжтэй болгох нь” уриатай үйл ажиллагаа явууллаа. 

Өвөрхангай аймаг дахь Стандарт Хэмжилзүйн хэлтсээс уг өдрөөр “Өвөрхангайд үйлдвэрлэв” үзэсгэлэн худалдааг зохион байгууллаа. үзэсгэлэнд Стандарт хэмжилзүйн хэлтсээс тохирлын гэрчилгээ авсан 19 байгууллага оролцож бүтээгдэхүүнээ сурталчилсан бөгөөд Дэлгэрэх хүнс ХК “Шилдэг оролцогч”, “Мөнгөн өргөө”  гэрийн модны үйлдвэр нь “Шилдэг бүтээгдэхүүн”-ээр тус тус шалгарсан байна.