SteelSeries компани удахгүй худалдаанд гарах World of Warcraft: Cataclysm тоглоомд зориулсан тоглоомын тусгай хулганыг Blizzard Entertainment-тай хамтран бүтээсэн байна. Хулганын гадна тал буюу экстерьер нь Deathwing the Destroyer-ын хуягтай юм шиг байдлаар хийгджээ. Хулганын хоёр хажуу талаар нийт 14 товчлууртай бөгөөд тэдгээрт тоглоомын 130 коммандыг тохируулах боломжтой ба хэрэглэгчид өөрсдөө ч хүссэнээрэ макро үүсгэж болох юм.

Cataclysm-ын хулганыг энэ сарын 22, 23-нд болох BlizzCon хэвлэлийн хурлын үеэр олон нийтэд танилцуулах бөгөөд арванхоёрдугаар сарын 7-нд 99,99 ам.долларын үнээр худалдаанд гарах ажээ.