Тив, дэлхий, олимпийн тавцанд гялалзаж, Монгол Улсынхаа алтан соёмбот төрийн далбааг харийн тэнгэрт мандуулж явсан Монгол Улсын Хөдөлмөрийн баатар Х.Цагаанбаатар, Э.Бадар-Ууган болон гавьяат тамирчин Б.Наранбаатар нарын “Амжилтын төлөө хамтдаа” лекц өнөөдөр 15.00 цагаас Соёлын төв өргөөнд болох гэж байна. Зөвхөн спортын тавцанд төдийгүй аль ч салбарт амжилт гаргахыг тэмүүлдэг хүн бүрт урам зориг, итгэл үнэмшил хайрлах энэхүү лекцийг Ерөнхийлөгчийн тамгын газар, Засгийн газрын хэрэгжүүлэгч агентлаг Биеийн тамир, спортын газар, MCS Coca-Cola компаниас дэмжин зохион байгуулж байгаа юм. Түүнчлэн МУИС-ийн Оюутны холбоо зохион байгуулалтад туслан, хамтран ажиллаж байна.
Лекцийн тасалбарын үнэ 1000 төгрөг бөгөөд тасалбараас олсон мөнгийг хорт хавдартай хүүхдүүдийн эмчилгээнд хандивлах юм.
Ш.Тэргэл