Sony Corp. Google TV-г суурилуулсан интернэттэй зурагт үйлдвэрлэх болжээ. Энэхүү интернэттэй зурагт нь өөр дээрээ Blu-ray диск уншигчтай байхаас гадна Google-ын Android платформтой, мөн Google компанийн Chrome браузертай байх юм. Харин хэмжээний хувьд 24, 32, 40 болон 46 инчийн дэлгэцтэй байх ба 599-1399 ам.долларын үнэтэй байх ажээ.

Sony корпорацийн Home division-ий дэд ерөнхийлөгч Майк Абари гэгч энэхүү шинэ бүтээлийнхээ талаар “Sony-гийн интернэттэй зурагт бол том дэлгэцтэй зурагт болон интернэтийг бүрэн ашиглах боломжийг нэгтгэж чадсан дэлхийн анхны HDTV юм. Зурагтаа асаагаад интернэтээс хүссэн хөтөлбөр, нэвтрүүлгээ хайж олоод хүссэнээрээ үзэх боломжийг манай шинэ бүтээгдэхүүн танд олгоно” хэмээн ярьжээ.