Завхан аймгийн Асгат сумаас энэ сарын 07-ны өдрийн 11:00 цагийн орчим 17-97 ЗАА улсын дугаартай “Hyundai Grees” маркийн дунд оврын бичил автобус сургуулийн насны 12 хүүхэд тээвэрлэн аймгийн төв орохоор яваад сураггүй болсон гэх мэдээлэл аймгийн Онцгой байдлын хэлтэст ирүүлсэн байна. Уг мэдээллийн дагуу аймгийн Онцгой байдлын хэлтсээс аврах бүлэг гарч эрэн хайж Идэр сумын нутагт /аймгийн төвөөс 76 км/ машин нь эвдэрсэн байсныг мөн өдрийн 19:00 цагт эсэн мэнд олсон байна.