Архангай аймгийн Засаг дарга Ё.Баатарбилэгийн санаачлагаар 2011 оныг “Нийгмийн эрүүл мэндийг дэмжих, нийтийн биеийн тамирыг хөгжүүлэх” жил болгон зарласны дагуу энэ оны анхны мөсний баярын үйл ажиллагаа аймгийн ЗДТГ болон БТСХ хамтран зохион байгууллаа. Уг өдөрлөгт аймгийн бүх албан байгууллагууд оролцож, нэг өдрийг цэвэр агаарт, эрч хүчээр дүүрэн өнгөрүүллээ. Нийт байгууллагуудын дунд буухиа, кирлинг, олс таталт хоккей, аймгийн аварга шалгаруулах мөсөн шагайн тэмцээнүүд явагдаж шилдгүүдээ тодруулав. Кирлинг тэмцээнд 40 гаруй баг оролцсоноос Ирээдүй дунд сургууль, Олс таталтын тэмцээнд нийт 40 гаруй баг оролцсоноос 1-р байранд ОБХ, Хоккейн тэмцээнд нийт 40 гаруй баг оролцсоноос 1-р байр ОБХ тус тус тэргүүлсэн байна. Буухиа тэмцээнд нийт 17 баг оролцсоноос 1-р байранд Цагдаагийн хэлтэс, 2-р байранд Ирээдүй дунд сургууль, 3-р байр Шүүхийн газрын хамт олон тэргүүлжээ. Аймгийн аварга шалгаруулах мөсөн шагай тэмцээнд нийт 100 гаруй хүн оролцсоноос багийн харваанд Батцэнгэл сумын Энхбаатар, Даваасүрэн нар тэргүүлж цоо харваанд Хоршоолол сумын Батжаргал тэргүүлсэн байна.