“Гурван арслангууд”-ын менежер Фабио Капелло Английн шигшээ болон “Челси”-гийн зүүн жигүүрийн хамгаалагч Эшли Коулыг өнөө цагийн шилдэг жигүүрийн хамгаалагчдын нэг гэж үзжээ. Коулын хувьд шигшээнхээ өмсгөлийг 2001 оны гуравдугаар сард Албанийн эсрэг хийсэн тоглолтод өмсч байсан юм. Өнөөдөр “Евро-2012”-ын урьдчилсан шатанд Монтенегротой хийх тоглолт түүний шигшээнхээ өмнөөс хийх 86 дахь тоглолт нь. Энэ тоо нь өмнөх амжилтын эзэн Кенних Сансомынхтой тэнцэж байгаа юм.  
Итали мэргэжилтний хувьд Коулыг Английн шигшээн өмсгөлийг илүү олон жил өмсч, Кэнни Сансомын амжилтыг олон тоглолтоор ахиулаасай гэж хүсч байгаа гэнэ. Жозе Моуриньо, Кэнни Сансом нарын хайртай тоглогчийн талаар Капэлло “Тэр үнэхээр сайн тоглогч, тэр хамгаалахдаа сайн, мөн хэрэгтэй үед аюултай довтолгоо хийдэг. Эшли бол өнөө цагийн шилдэг зүүн жигүүрийн хамгаалагчдын нэг. Түүний хийж буй үйлдэл бүр нь зөв байдаг. Дамжуулалт бүр нь их ухаалаг байдаг” гэсэн байна.

Score Studio