Монголчууд хайр сэтгэлийг салшгүй мөнхийн бэлэгдэл хаан бугуйвч хатан сүйхээр баталгаажуулж ирсэн билээ. Мөн дэлхийн ихэнх орнуудад хайртай хосууд хайр сэтгэлдээ үнэнч байхаа илэрхийлж төвлөрсөн газарт сэтгэлийн тангараг үгтэй цоожийг хамтдаа өлгөж түлхүүрийг нь хаяад “Энэ цоож хэзээ ч нээгдэхгүйн адил бидний хайр дурлал мөнхөд сэвгүй бат бэх байж насан туршдаа нэгэндээ үнэнч байна” гэж тангарагладаг ажээ.

Тэгвэл хайртай хосууддаа хайр сэтгэлээ “Love Locks”-оор баталгаажуулах боломж олгож Гэгээн Валентины өдөр буюу энэ сарын 14-ны 18:00 цагаас UB PALACE анх удаа “Love Locks”-ын нээлт хийхээр болжээ.

Та бүхнийг хайрттайгаа, хайрын баталгаагаа цоожилж баталгаажуулах цоожтойгоо хамт хүрэлцэн ирэхийг урьсан байна.
Ёслолын дараа уг хайрын цоожнуудын гинжин хэлхээг Хуримын ордоны ойролцоо мөнхөд байрлуулах юм.

Уг ажиллагаанд "Нэгэн зүгт" хамтлаг оролцож 19:00 цагт "Би чамд хайртай" тоглолтоороо хайртай хосууддаа гэнэтийн бэлэг барих гэнэ.