Спортын төв ордонд дөрөв дэх өдрөө үргэлжилж буй оюутны боксын дэлхийн аварга шалгаруулах дөрөв дэх удаагийн тэмцээний хэсгийн ээлжит тоглолтууд өнөөдөр 15.00 цагаас эхэлнэ. Өнөөдрийн тухайд 52, 60, 69, 81, +91 кг-ын жингийн нийт есөн тулаан болохоос манай дөрвөн ширэн бээлийтэн эх орныхоо рингэнд гарч, тулалдах юм.

Дэлхийн аваргын мөнгөн медальт Н.Төгсцогт 52 кг-ын жинд ОХУ-ын Дмитрий Сотниковтой, 60 кг-д Д.Отгондалай Казахстаны Гани Жаилауовтой, мөн 69 кг-д Л.Шинэтулга Казахстаны Рустам Сваевтай, харин 81 кг-д С.Эрдэнэбаяр мөн Казахстаны боксчин Арбек Абдуганиевтэй тус тус нударга зөрүүлэх ажээ.

Өнөөдрийн тоглолтын хуваарь:

52 кг:
Хаби Исмаил-Ахунов /Казахстан/ – Виктор Гоголев /Украйн/
Дмитрий Сотников /ОХУ/ – Н.Төгсцогт /Монгол/

60 кг:
Денис Беринчик /Украйн/ – Ву Хао-Пай /Тайвань/
Д.Отгондалай /Монгол/ – Гани Жаилауов /Казахстан/

69 кг:
Рустам Сваев /Казахстан/ – Л.Шинэтулга /Монгол/
Ондер Сипал /Турк/ – Василий Белоус /Молдав/

81 кг:
Арбек Абгуданиев /Казахстан/ – С.Эрдэнэбаяр /Монгол/
Руслан Фаифер /ОХУ/ – Диндар Голгек /Турк/

+91 кг:
Арсланбек Махмудов /ОХУ/ – Рустам Рыгебаев /Казахстан/

Ш.Тэргэл