Удахгүй тэмдэглэх Монгол Улсад байнгын
ажиллагаатай парламент үүссэний 20 жилийн ойгоор УИХ-ын Тамгын газар,
Парламентын сэтгүүлчдийн холбооноос сэтгүүлчдэдээ ихээхэн анхаарал
хандуулах гэж байна. Парламентын үе үеийн сэтгүүлчдийн бүтээлээс
дээжилсэн “Төрийн түүхийг үл таслахуй” ном саяхан хэвлэлтээс гарсан бол
ойн үеэр сэтгүүлчид УИХ-ын гишүүдтэй зангиагүй уулзалт зохион байгуулж
санал бодлоо солилцохоор төлөвлөөд байна. Мөн “Парламентын сэтгүүл зүй”
сэдвээр эрдэм шинжилгээний бага хурал хийж гэрэл зургийн сурвалжлагчдын
бүтээлээр үзэсгэлэн гаргах юм.