Бадминтоны спортын 2010 оны улсын аварга шалгаруулах тэмцээн өнгөрсөн амралтын өдрүүдэд болж өндөрлөлөө. Монголын бадминтоны холбооноос зохион байгуулсан тус тэмцээнийг эрэгтэй, эмэгтэй ганцаарчилсан, хос, холимог хос гэсэн үндсэн 5 төрлөөр зохион байгуулж, аваргуудаа тодруулжээ.

Улсын аварга шалгаруулах энэ удаагийн тэмцээн аравдугаар сарын 6-9-ний өдрүүдэд “Бөхийн өргөө”-нд зохион байгуулах Азийн цуврал олон улсын тэмцээний өмнөх томоохон сорилт боллоо. Онцлоход, Азийн цуврал олон улсын тэмцээнд Иран, Мьянмар, Словак, Шинэ Зеланд, Монголын 30 гаруй тамирчид оролцож, “Лондон-2012” олимпийн наадмын эрхийн онооны төлөө өрсөлдөх юм. Хурц ширүүн өрсөлдөөн дунд сонирхолтой өрнөх уг тэмцээнийг спорт сонирхогч та бүхэн үнэгүй үзэх боломжтой юм байна.

Бадминтоны УАШТ-ий дүн:

Төрөл	Алт	Мөнгө
Эрэгтэй ганцаарчилсан	О.Энхбат – Олон улсын хэмжээний мастер	П.Сайнбуян
Эмэгтэй ганцаарчилсан	Б.Хулангоо	Б.Гэрэлмаа
Эрэгтэй хос	О.Энхбат, П.Сайнбуян	М.Золзаяа, Э.Эрдэнэбаяр
Эмэгтэй хос	М.Мөнхчимэг, Б.Хулангоо	Б.Ганчулуун, М.Дуламсүрэн
Холимог хос	М.Золзаяа, М.Мөнхчимэг	О.Энхбат, Б.Гэрэлмаа