-Монголын хөрөнгийн бир­жид бүртгэлтэй байгаа үнэт цаасыг ангилан арилжих горим нэвтрүүлэх чиглэл өгсөн байна. Энэ горимын тухай тодруулахгүй юу?

-Одоогийн байдлаар Монголын хөрөнгийн биржид  336 компани бүрт­гэлтэй байна. Эдгээрийн до­тор сайн ч компани бий, муу ком­пани ч бий. Компанийн чана­раас хамаарч хувьцаа нь үнэт цаасны арилжаанд орж байгаа төвш­нөөрөө харилцан адилгүй, үндсэндээ 80 орчим компанийн үнэт цаас идэвхтэй арилжигдаж байна. Өнөөдөр манай хөрөнгийн биржийн арилжаанд сайн, муу компаниуд ямар ч ялгаагүй нэг дор, зэрэг арилжигддаг юм. Хө­рөнгө оруулагчдын эрх ашгийг хамгаалах үүднээс, хөрөнгө оруулагчид эрсдлээ үнэлэх болом­жийг нэмэгдүүлэх зорилгоор Сан­хүүгийн зохицуулах хорооноос үнэт цаасыг чанараар нь ангилан арилжих горимыг нэвтрүүлэх нь зүйтэй гэж үзээд байна. 

-Сайн болон муу компани гэж ямар компанийг хэлэх вэ. Ямар шалгуур үзүүлэлтээр үнэт цаасыг ангилах вэ?

-Хөрөнгийн биржийн бүр­гэлийн шалгуур үзүүлэлт болон тухайн үнэт цаасны хөрвөх чадварын үзүүлэлтэд үндэслээд арил­жааны аль самбарт арил­жих эсэхийг шийддэг горим нэвтрэх байх. Энэ нь эрсдэлийн үнэлгээг бодитой болгож байгаа юм. Нарийвчилсан шалгуур үзүүлэлтийг Монголын Хөрөнгийн биржээс боловсруулаад манай Хороонд танилцуулна.

-Монголын хөрөнгийн бирж дээр байгаа үнэт цааснуудыг хэдэн хэсэгт ангилах вэ?

-Үүнийг мөн л Монголын Хөрөн­гийн бирж судалж байгаа. Хөрөнгийн бирж нь өөрийгөө зохицуулах эрх хэмжээтэй бай­гууллага тул өөрсдийн бүртгэлийн болон арилжаааны горимоо судалж шийдвэрлэх учиртай юм. Харин Санхүүгийн зохицуулах хорооны зүгээс хууль тогтоомжид нийцэж буй эсэхийг нь хянах юм. Гэхдээ урьдчилсан байдлаар гурван самбарт ангилах нь зүйтэй байж болох талаар Хорооны хуралдааны үеэр яригдсан зүйлс бий. Эхнийх нь биржийн үндсэн бүртгэлийн шалгуур хангаж байгаа компани, хоёр дахь нь бүртгэлийн зарим шалгуурыг хангахгүй байгаа буюу эрсдэл өндөр компани орох байх. Гуравдугаарт нь үйл ажиллагаа нь зогссон, бүртгэлээс хасагдахад хүрсэн компаниуд орох болов уу.