Манай улсад хөнгөн атлетикийн спорт үүсч хөгжсөний 50 жилийн ой энэ жил тохиож байгаа билээ. Энэхүү ойн хүрээнд Биеийн тамир спортын улсын хорооны дарга Ч.Наранбаатар БНСУ-ын алдарт тамирчин Хун Ён Жуг өчигдөр хүлээн авч уулзлаа. Тэрбээр Барселоны олимпод марафоны төрлөөр оролцон, алтан медаль хүртэж байсан БНСУ-ын Ардын баатар хүн юм. Хун Ён Жу Монголын баг тамирчидтай хамтарсан бэлтгэл хийж, өөрийн арвин туршлагаасаа хуваалцах хүсэлтэй байгаагаа уулзалтын  үеэр илэрхийлжээ.

Н.Наран