Бидний хамгийн их хэрэглэх дуртай вэб хөтчийн нэг болох Google Chrome-ийг хэрэглэгчдийн хувьд нэгэн шинэ боломж нээгджээ. Энэ юу вэ гэвэл Stylebot хэмээх нэгэн хэрэгслийг өөрийн Chrome вэб хөтөчдөө суулгаад өөрийн орж байгаа вэбийн дизайныг дураараа өөрчлөх боломжтой болдог. Өөрөөр хэлбэл сайтын CSS рүү өөрийн компьютерт нэвтэрч, өөрчлөлт оруулна гэсэн үг юм.

Тийм ээ, энэ үнэн. Хэрвээ та өөрийн хүссэн сайтыг арай өөр байгаасай гэж боддог байсан бол өөртөө зориулаад л өөрчилчих тэгээд л боллоо.

Иймэрхүү зүйл нь компьютерийн өндөр зэрэглэлийн хэрэглэгчид, мөн вэб хуудсуудаас зөвхөн өөрийн хүссэнээр мэдээллийг авахыг хүсдэг хүмүүст чухам л хэрэгтэй эд юм байна.  Жишээлбэл, хараа муутай хүмүүс зарим ордог сайтуудынхаа үсгийн фонтыг томсгож харж болно. Мөн хэрэгцээгүй лого, зураг, баннер сурталчилгааг зүгээр аваад хаячихаж  болно.

Stylebot-ыг ажиллуулснаар энгийн болон нарийвчилсан CSS тохиргооны цонх гарч ирэх бөгөөд контентийг яаж харагдахыг эндээс тохируулж өгнө.