Монголын цагаан сарын баяраар  Дундговь аймгийн балчир хүүхдүүдийн үндэсний бөхийн анхдугаар барилдааныг Сайнцагаан  сумын Г.Мөнхтуяа эрхлэгчтэй III цэцэрлэг санаачилж сумын Засаг даргын тамгын газар, Аймгийн Биеийн тамир спортын газар дэмжиж “Их Хайрхан мандал” компани ерөнхий ивээн тэтгэгчээр ,  Монголын Эрэгтэйчүүдийн холбооны Дундговь дахь салбар зөвлөл, аймгийн  “Цоглог” телевиз  ивээн тэтгэгчээр оролцон зохион байгууллаа. 

Бөхийн анхдугаар барилдаанд Мандалговь хотын төвийн VI цэцэрлэгийн 64 бөх  барилдсанаас V цэцэрлэгийн Алтангэрэл, Тэмүүжин, VI цэцэрлэгийн  Балжинням, Мөнгөншагай нар шөвгийн дөрөвт үлдэж Алтангэрэл түрүүлж , Балжинням үзүүрлэлээ

Бяцхан бөхчүүдэд ерөнхий ивээн тэтгэгчийн мөнгөн шагнал, өргөмжлөл, ал, мөнгө, хүрэл  медаль , гарын бэлэг гардууллаа.  Энэхүү бяцхан хүчтэнүүдийн барилдаан нь ирээдүйд төрөлх нутгаасаа улсын алдар цолтой бөх олноор  төрүүлэх эхлэлийг тавьж байгаа, цаашид уламжлал болгон зохион байгуулахаар болжээ.