ОХУ, Норвеги улс 40 жилийн турш маргалдаж ирсэн газрын тос болон байгалийн хийн баялгийг ашиглах замыг нээлттэй болгох Умард туйлийн бүс нутагт хоёр орны хилийн бүсийг тодотгон тогтоох түүхэн тохиролцоонд хүрч, өнгөрөгч лхагва гаригт хэлэлцээрт гарын үсэг зуржээ.
ОХУ-ын ерөнхийлөгч Дмитрий Медведев, Норвегийн ерөнхий сайд Jens Stoltenberg нар Баренцийн тэнгисийн боомт хот Мурманск хотод энэхүү түүхэн хэлэлцээрт гарын үсэг зурах үед байлцсан байна.
Хоёр орны хооронд маргалдаж ирсэн нутгийн хэмжээ 175000 ам дөрвөлжин км бөгөөд энэ нь ХБНГУ-ын нутаг дэвсгэрийн тал хувьтай тэнцэх хэмжээний нутаг юм. Газрын тос, байгалийн хийн нөөц баялаг орос, норвегийн мэдлийн нутгийн аль алинд нь байдаг ажээ.

Эх сурвалж: REUTERS
Бэлтгэсэн Д.Пунцаг