Дуурь бүжгийн эрдмийн театр, Якутын театрын хамтын ажиллагааны хүрээнд Якутын дуурийн театрын уран бүтээлчид манай оронд айлчлан тоглолт хийх гэнэ. Тэд ирэх аравдугаар сарын 22-24-ны өдрүүдэд П.И.Чайковскийн “Хунт нуур”, С.Прокофьевын “Ромео Жульетта хоёр” бүжгэн жүжгийн тайзнаа  амилуулах юм байна. Мөн хаалтын хамтарсан гала тоглолт хийхээр төлөвлөөд байгаа аж.  Дуурь бүжгийн эрдмийн театр нь ирэх аравдугаар сарын 2-нд “Чио Чио Сан” дууриар нээлтээ хийх юм.

М.Дөл