Италийн Сери А эхлээд удаагүй байна. Калчио лигийн дундаж багуудын нэг “Сампдория” өөрсдийн гол тоглогчид болох Антонио Кассано, Жампаоло Паззини нарыг “Ювентус” багт зарж магадгүй гэсэн мэдээлэл гарчээ. Италийн дээдсүүд Паззиниг зуны солилцооны цонхоор авахаар “Сампдория”-д санал өгсөн ч, тэд эерэг хариу аваагүй юм. Харин одоо “Сампдория” бодлоо өөрчлөн, тэднийг ирэх оны эхний сард нээгдэх өвлийн солилцооны цонхоор зарах сонирхолтой байгаагаа илэрхийлсэн байна. “Сампдория”-гийн шинэ төлөвлөгөөний үндсэн дээр энэ солилцоо хийгдэж болох юм.