Финляндын Хельсинкийн хавсрах шинжлэх ухааны их сургуулийн оюутан, инженерүүд “Electric RaceAbout EV” нэртэй бүрэн цахилгаан хөдөлгүүртэй, байгаль орчинд хорт нөлөө багатай автомашин бүтээжээ. 200 км/цаг хүртэл хурдлах энэхүү цахилгаан хөдөлгүүртэй автомашин нь жингийн хувьд энгийн автомашинаас хоёр дахин бага жинтэй бөгөөд lithium-ion баттерей нь ердөө 10-хан минутад цэнэглэгдэх гэнэ. Финляндад зохион байгуулагддаг бүрэн цахилгаан хөдөлгүүртэй, “ногоон” автомашинуудын хооронд болдог 10 сая ам.долларын шагналын сантай “Progressive Automotive X-prize” уралдаанд сойх зорилгоор уг автомашиныг бүтээсэн ба тус сургуулийн оюутнууд авто үйлдвэрлэгчдээс ихээхэн дэмжлэг авсан гэнэ. Дашрамд дурдахад, 2010 оны “Progressive Automotive X-prize” уралдаан долоо, наймдугаар сард болох ба эцсийн шатанд 44 баг өрсөлдөхөөр шалгараад байгаа ажээ.
С.Цэлмэг